قصة الملك الغزاوي
كان يا ما كان.. في قديم الزمان.. ملك غزاوي عنده ثلاث بنات...
حب في يوم من الأيام انه يختبر حبهم اله...جاب الكبيرة (وجه البكسة) وقالها
: يابا يا حبيبتي قديش بتحبي أبوكي الملك؟البنت من غير تفكير: بحبك قد ما السمك بحب البحر...
الملك فكر وقال في باله: اي هو السمك بقدر يعيش بدون بحر ..
هاي البنت بتحبني كتير .. وقال الها: أنا كنت عارف انك بتحبيني بس مش لهدرجة
وقام أعطاها قصر كبير ومجوهرات..
جاب البنت التانية (واسطة العقد) وسألها نفس
السؤال: يابا يا حبيبتي قديش بتحبي أبوكي الملك فقالتله:
بحبك قد ما الطير بحب السما وقال في باله: اي هو الطير بقدر يعيش بدون سما ويطير .. هاي البنت بتحبني
كتيرانبسط الزلمة وكيّف .. وأعطاها قصر جنب أختها ومجوهرات وميمعة...
بعدين جاب البنت الصغيرة (اخر العنقود) اللي بموت فيها وسألها نفس السؤال وقالها:
يابا يا حبيبتي قديش بتحبي أبوكي الملك قامت جاوبته: بحبك قد ما الدقة بتحب الشطة!!!!!
الزلمة زعل وعصب وقام لاحها كف خلا إيديها و رجيلها اربعة ..
ومسكها من شعرها وزتها برة القصر .. وما رضي يسمع منها ولا نص كلمة...
البنت دارت بالحواري يا عيني وعلى أرصفة الطرقات، وتسمع كلمة من هاد وكلمتين من هداك
.. لغاية ما أجاها مزارع مسكين على باب الله اتجوزها وراحوا سكنو بالكوخ تبعه
اللي بنص الغابة ....ودارت الأيام ومرت الأيام… وفي يوم من الأيام كان الملك
قاعد بتصيد بالغابة ونسي حاله وسرح وضاع بالغابة .. دور على المرافقين ولا هم
هون .. طب الحرس فص ملح و داب .. وين الشباب ؟ لا حياة لمن تنادي .. وضل الملك
يمشي ويمشي ..لغاية ما لقي هالكوخ الصغير، قال يلا بفوت برتاح وباكلي لقمة...
دق على الباب فتحلوا صاحب البيت وهو مش عارفه.. دخلوا جوا وهو شايفه
تعبان .. وصار يحكي مع الزلمة ومرته مش خافي عليها الصوت.. قام المزارع بيقول
لمرته: اذبحيلنا جاجتين خلينا نتعشى ونعشي الضيف..والمرة مين طبعا ؟واضحة بنت
الملك المقصوفة الصغيرة يا هبلان...... ركزوا بالقصة ولكو..... المهم بدت
تشتغل بالجاجات وخطر على بالها فكرة..نادت جوزها وقالتله خود شوية الدقة هاي
مع صحن زيت .. سلكو فيهم لغاية مايخلص الأكل شكله الزلمة ميت من الجوع...
والله الزلمة عجبته الفكرة وقام حط الزيت والدقة قدام الملكوقاله: اتفضل يا عمي على
بين ما يجهز الاكل الملك ميت جوع وهو بحب الدقة كتيرما بلع اول لقمة ولا صار
بده يستفرغ .. وصاح بالزلمة: ولك شو هاد دقة من غير شطة ؟؟؟ .. كيف بتاكلوها
هاي ؟؟وفجأة اتذكر بنته الصغيرة وصار يعيّط زي الهبايل قاله الزلمة: ول ، شو
مالك يا زلمة انت العاقل .. كل هاد مشان شوية دقة !!هسة الجاج بخلص .. !!
كلعطتني ... شو هالعالم هاي...راح الملك حكى للزلمة القصةوأول ما خلص من هون
نطت البنت وقالت : بخ ، كيفك بابا ؟ عرفت أديش بحبك يا أهبل ؟؟وهيك عرف الملك
قديش بتحبه بنته وجابتله دقة بشطة ..
طبعا ما أكل منها ولا لقمة لأنه نزل بالجاج جردو أعطاها قصرين ومجوهرات و سوبر
ماركت و كيلو معسل (عشان هي بتأرجل
وأهداها جوال مع شريحة وشغل جوزها ضريب مواس وسكاكين عنده
وتوته توته خلصت الحتوتة.
![~¤©§][ منتديات el وائـــــــــــــــــــل wa][§©¤~](https://2img.net/s/t/10/87/47/i_logo.gif){kind=logo}
السبت 5 أبريل - 2:02
